首頁 > 瓷牙套 > 義齒 >

牙橋和活動假牙邊種好？牙齒問題十大疑問

維港口腔連鎖收集咗近期市民嘅牙齒疑問，匯總到此，方便大家查詢！
牙齒疑問一：“牙橋和活動假牙邊種好？牙齒問題十大疑問牙橋和活動假牙邊種好？剛睇完普通牙科，牙醫話我有牙周病，上門牙比較嚴重已經開始會鬆動，建議我拔左之後做過隻假牙，想問下牙橋同活動假牙點選擇好？”
牙醫：牙橋同活動假牙差好遠喎, 牙橋係固定式, 活動假牙係需要每日除出黎清洗, 牙橋咬力遠比活動假牙好, 但唔係每個人都適合做牙橋, 因為牙橋需要磨細兩旁牙齒, 若果兩旁牙齒都有嚴重牙周病就唔可以咁做。揀假牙唔係你鍾意用邊種就用邊種, 唔同人適合唔同假牙, 你要搵幫你睇的牙醫同佢商量至得。

牙齒疑問二：“飲完可樂之後話要隔半個鐘之後先刷牙，如果唔係對牙齒唔好，是真的嗎？定有無話食左咩之後唔好馬上刷牙？請問有無話食完咩，飲完咩唔好立即用牙線嗎？”
牙醫：所有飲食後都唔應該即刻刷牙，因為飲食後牙齒表面通常會呈現酸性, 立即刷牙的話會容易刷蝕琺瑯質, 若果係可樂或果汁類情況就更嚴重。用牙線就冇問題。

牙齒疑問三：“門牙做左牙套，用鏡照門牙後面牙套個邊有一少條黑色（佔牙套大概三分之一的邊）係牙套同牙肉之間，是什麼？會是裂痕嗎？要換牙套嗎？”

牙醫：多數係因為你隻牙套係金屬烤瓷牙套, 背面近牙肉的牙套邊緣會有金屬部份, 唔夠光的情況望落去就會係一條黑色, 金屬烤瓷牙套本身設計就係咁樣

牙齒疑問四：“右上角耐唔耐食嘢 un 到就痛，牙醫話右上兩隻大牙都有裂，但分唔到係邊隻痛，想問好唔好事但揀一隻做牙套先? 因牙醫話其中一隻裂得嚴重過另一隻。”

牙醫：咬裂牙係好難診斷的, 如果已經有肉眼清楚可見的裂痕, 即使未肯定是否係痛楚根源, 先做牙套都係其中一個可行的選擇。但若果未有明顯裂痕, 只係懷疑的話, 就唔建議咁快整牙套

牙齒疑問五：“想問牙裂鑲牙套後，會唔會之後再裂?”

牙醫：牙套可以有效防止裂痕再擴充。

牙齒疑問六：“點解牙齒無端端會裂? 我都好少食硬嘢。”

牙醫：就算只係一次唔小心咬到粒砂石、碎骨等等, 因為呢種 "無情力" 聚落細微硬物其實力度係極之大, 所以已經足以引起咬裂牙。除左飲食習慣, 如果病人有長期磨牙、咬牙習慣, 或者缺少左部份大牙、咬合不良等, 都容易出現咬裂牙。

牙齒疑問七：“杜左牙根無戴牙套隻牙如果裂左食野會痛嗎？飲凍野會敏感？定平時無啦啦會痛？定裂左要睇牙醫先知道？如果裂左隻牙仲有得補嗎？”

牙醫：杜左牙根的牙齒唔會再有敏感, 所以裂左都好多時完全冇感覺, 有時要靠定期檢查先被牙醫發現。裂左都唔可以補, 只可以做牙套, 裂得太嚴重就要脫牙

牙齒疑問八：“隻牙返杜過牙根後食嘢時始終有 d 痛，唔受得力，之前醫生幫我照過 x 光話無事，但情況無好轉，會唔會換個新牙套個好 d?”

牙醫：除非係牙套咬合不良, 咬合位過高, 導致受力過重, 係咁的話就需要搵牙醫調整咬合。如果牙套咬合屬於正常, 咁就一定唔關牙套事, 千祈唔好浪費時間金錢去換牙套

牙齒疑問九：“咁點知牙套係未咬合不良?如果唔關牙套事，返杜牙根後隻牙食嘢時痛估計係咩事?”

牙醫：咬合不良要靠牙醫用試紙幫你試，較嚴重咬合不良有機會你自己大力咬緊牙關都會覺得隻牙頂住。除左咬合之外, 牙肉發炎、牙根斷裂、牙根炎等等都有機會令已經杜左牙根的牙齒再出現痛感。至於普通牙齒如果覺得食嘢唔舒服, 都應該先嘗試盡量保持清潔睇睇有冇改善, 情況持續幾日以上就需要考慮睇牙醫。

牙齒疑問十：“門牙中間條空隙愈黎愈大, 請問有咩方法可以補救?除左COOL牙, 有冇得補牙解決?”

牙醫：只有一部份情況係可以靠補牙解決, 要牙醫睇睇先可以答你。其餘方法包括箍牙, 或做牙套、瓷片等。門牙中間空隙變大, 本身都有唔同成因, 要牙醫睇左成因先可以決定得到點樣補救~

若果有需要咨詢牙齒問題，請聯絡維港口腔連鎖 +852 68472582/+86 13266962630； Whatsapp：+852 68472582。

文章推薦：
杜牙根杜唔淨點算？係咪要二次杜牙根？
拔牙後立刻種牙有什麼優點？
全口腔植牙的好處

諮詢牙醫預約登記 WhatsApp諮詢